NASKAH DRAMA

Panen Tengah Wengi

Dening Oemaryanto

Tokoh : - Tarman

              - Semi

              - Mbah Taslim

Amanat : Kudu cecaketan marang gusti Allah supaya ora gampang kagodha

                bisikane setan.

Wis pirang dina kie batir-batir tani sing kabeneran nandur lombok pada mesem  bungah,       mergane rega lombok lagi larang. Siki rega lombok klakon ngliwati wates.Tiba siji bae dadi      rebutan. Jalaran lagi larang dadi Semi karo Tarman siki mecicilnang gubug tengah sawah.     Biyasane nek lagi larang akeh wereng endas ireng kluthusan nang tengah sawah.

Lha dina kue kang Marji sing dadi korbane jalaran lomboke entong dicolong. Dadi bar isya     Tarman langsung meng sawah.

Tarman : (ngoncori sekitere) “Lha kae sapa yah?”

Semi      : “Inyong kang! ... Semi!

Tarman : “Wis suwe apa?”

Semi.     : “Ya mau bar maghrib lah.”

Tarman : “ya ngeneh geh ngopi-ngopi nggo cagak melek”

Semi.     : “Iya lah kesuwun.”

Tarman : “Piwe kae kang Marji sing wingi kelangan lombok.”

Semi.   : “Ya kur bisa nahan kesuh tok.”

Tarman : “Kira-kira sapa yah sing tegel nyolong yah.”

Semi.  : “Sapa maning nek udu si grandong mburi pos kamling kae.”

Tarman : “Hus, aja kaya kue lah.”

Semi.  : “Lha sapa maning....”

Suwe ngobrol ngalor ngidul Semi karo Tarman ra krasa jebul wis meh tengah    wengi.

Tarman : “Kae sawah rung ditanduri koh wis ana den-den manuke yah?”

Semi.   : “Sawahe Lik Karman kue sing disewakna meng wong kota, kok kang.”

Tarman : “Lha iya, lumrahe tulih nek wis arep panen tembe dipasang.”

Semi.   : “Lah mbuh karepe wong kota, wis lah aku tek turu sedela.”

Durung suwe goli ngomong koh den-den manuke obah dewek kaya lagi jogedan.

Tarman : “Apa ana angin yah(mbatin) tapi ora lho.”(Keweden)

Tarman : “Mi mi semi! Tangi mi!.” (ngugah semi karo keweden)

Semi.  : “Apa? Maling?”

Tarman : “ssssssttt...deleng kae den-den manuke.”

Selat sue koh dadi medeni kaya lagi met lombok kue medine. Lha terus mlaku    maring sawahe si Tarman. Ana swara cekikikan karo kaya ana wong lagi tukaran.

Semi.  : “Piwe kae kang?... Aku wedi!”

Tarman : “Wis sabar, ndonga bae sing koe apal?

Lha lagi ndonga koh den-den manuke ujug-ujug kobong. Semi karo Tarman tambah wedi.

Semi .         : ‘lha kae sapa maning kang sing lagi mlaku ngeneh?.”(keweden)

Tarman       : “Mbuh kae koh sapa.”

Mbah Taslim : “Piwe?”

Tarman       : “Ooo... Rika jebule mbah.”

Mbah Taslim : “Iya.”

Mbah Taslim kue pancen madan pinter meng ilmu gaib.

Mbah Taslim : “Aman wis malinge wis kobong dadi awu.”

Semi.              : “Niku wau malinge mbah?.”

Mbah Taslim : “Iya kae, Mau kue lelembut pesugihan.”

Tarman           : “Kurang ajar!!!”

Semi.            : “nek kaya kuwe malinge sekang alam gaib.”

Mbah Taslim : “Iya, sawah sing disewakna bisa bae kur nggo syarat. Sing due

                            Pesugihan sing nyewa.”

Semi.          : “lajeng pripun mbah.”

Mbah Taslim : “Anggone siki dewek kue kudu percaya marang kang kuwasa aja

                            nganti percaya karo setan apa jin.”

Tarman       : “Naudzubillahi mindalik aja nganti aku kaya kue.”

Sawise ana kedadeyan kue siki tanduran lomboke wis aman langka sing maling   maning merga malinge wis kobong.

***TAMAT***